"Спорт және өнер пәндері сабақтарында оқушылардың шығармашылық қабілеттерін тиімді дамыту жолдарын ұсыну"

2023 жылдың 6 ақпанында Мұхтар Әуезов атындағы жалпы орта білім беретін мектеп-лицейінде спорт және өнер пәндері әдістемелік бірлестігінің айлығының "Бірлестіктегі инновациялық жоба, енгізу, жұмыс түрлері, нәтижесі" тақырыбында концерттік іс-шара өткізілді. Іс-шара мақсаты: "Спорт және өнер пәндері сабақтарында оқушылардың шығармашылық қабілеттерін тиімді дамыту жолдарын ұсыну". Іс-шара оркестрдің сүйемелдеуімен ашылды. Оқушылар ән айтып, би билеп, домбыра ойнау арқылы өнерлерін көрсетті. 8-сыныптың қыздары қажетсіз заттардан өздері жасаған киім үлгілерін көрсетіп, қорғады. Сонымен бірге жеміс-жидектерді ыдысқа  әсемдеп, безендіріп қою арқылы "Карвинг" өнерін көрсетті. Айтылған әуенге байланысты суреттер салынды. Айлық барысында ашық сабақтар, семинар-практикумдар мен сыныптан тыс іс-шаралар өткізу жоспарлануда.