🔷«Ғаламшар болашағы – біздің қолымызда»

«Ғаламшар болашағы – біздің қолымызда» 

2023 жылдың 26 сәуірінде «Өрлеу» БАҰО» АҚ филиалы Жамбыл облысы бойынша Кәсіби даму институтының ұйымдастыруымен  «Ғаламшар болашағы – біздің қолымызда» атты Республикалық экологиялық форум өткізілді.

Форумның мақсаты: қоғамда экологиялық мәдениетті қалыптастыру, барлық білім беру деңгейінде экологиялық білімді насихаттау, экологиялық басымдықтары мен құндылықтары бар жаңа ұрпақты тәрбиелеу үшін жастар арасында экологиялық сауаттылықты арттыру.

Аталған форумда

Ы.Алтынсарин атындағы ҰБА жетекші ғылыми қызметкері -Шуиншина Шолпан Мырзакасымовна және өзі жетекшілік ететін Меркі ауданы Мұхтар Әуезов атындағы жалпы орта білім беретін мектеп-лицейінің эксперименттік тәжірибе жұмысының қызметкерлерімен бірлесе отырып мектеп-лицей базасында жүргізіліп отырған- Экологиялық бағытындағы жұмыс жүйесімен таныстырды. 

Келесі кезекте мектеп-лицей директоры Қыстауов Болатбек Тәңірбергенұлы «Экологиялық білім беру - қазіргі заман тренді!» тақырыбында ғылыми-эксперименттік жұмыстары туралы айтып өтті. Мектепте атқарылып жатқан Экологиялық прогрессивті жобаларымен  Узбекбаев Эдуард Жанабаевич,  Палахмет Ақниет Ерболқызы, Бейбіт Сандуғаш Артықбайқызы, Оразымбетова Дариға Қанатбекқызы, Базарбай Ғалымжан Жангалиулы- іс - тәжірибе таратты.

Форум жұмысының соңында қатысушылар сертификаттармен марапатталды.