Отан қорғаушылар мерекесі мен Ұлы Жеңістің 79 жылдығы

Бүгін,  мектебімізде 7 мамыр Отан қорғаушылар мерекесі мен Ұлы Жеңістің 79 жылдығына  орай лездеме өткізілді. Мақсаты: Оқушыларды адамгершілікке, Отанды сүюге, оны қорғауға баулу. Балалардың Отанға деген сүйіспеншілігін арттыру, оларға патриоттық тәрбие бере отырып, өз елін, жерін қастерлейтін саналы да парасатты елжанды-ұлтжанды азамат етіп тәрбиелеу. Мектеп директоры 

Н.С. Койшиманова мерекемен құттықтап, жарқын болашақта біліммен қарулану керек екенін баса назарда айтып өтті.Қазақсатан Республикасының Әнұраны шырқалып, Ту кіргізілді. 

Сонымен бірге ҰОС-да қаза тапқан ардагерлерді еске алуға 1 минуттық үнсіздік жарияланды. Мектебіміздің жас сарбаздары саптық өнерлерін көрсетті. Дарынды оқушыларымыз марапатталды.Біздің тәуелсіздігіміз бен тұтастығымызды, тыныштығымыз бен бейбіт тірлігімізді қас қақпай күзетіп тұрған, халқымызға қорған болған ұлттық әскеріміздің айбыны арта берсін! Аға ұрпақ пен жас буынның Отанымызды қорғап, қызметте айтулы үлес қосқанын біз әрқашанда мақтан тұтамыз.