1941-1945 жылдардағы Ұлы Отан соғысындағы Жеңістің 73 жылдығына орай өткізілген іс-шаралар

Владимир Савва атындағы №9 жалпы білім беретін мектебінде Қазақстан Республикасы Қарулы Күштерінің 26 жылдығына орай Отан қорғаушы күнін, 1941-1945 жылдардағы Ұлы Отан соғысындағы Жеңістің 73 жылдығына орай өткізілген іс-шаралар

      Жеңіс күні 9-мамыр – бүкіл дүниежүзі бойынша үлкен мейрам. Әсіресе, бұл мерекені екінші дүниежүзілік соғыстың бар ауыртпалығын өз мойнымен көтеріп, Отан үшін от кешіп, соғыстың қанға бөккен даласында қайсарлықпен шайқасқан, Жеңістің туын желбіреткен, Ұлы Отан соғысының ардагерлері үшін ерекше мейрам. Міне,осыдан бері 73 жыл мерзім уақыт өтті. Биыл Ұлы Жеңістің 73 жылдығын тойлап отырмыз! Сонымен қатар, мектебімізде Қазақстан Республикасы Қарулы Күштерінің 26 жылдығына орай Отан қорғаушы күніне іс-шараның жоспары құрылып, бекітілді.

       Мектебімізде мектеп кітапханашылары Ұлы Отан соғысындағы Жеңістің 73 жылдығына арналған «Жеңіс күні балалар көзімен» атты көрме ұйымдастырды.Бейнелеу пән мұғалімдері 3-8 сыныптар арасында сурет салудан байқау өткізді. Байқауда І орынды 4 «а» сыныбы, ІІ орынды 8 «б», ІІІ орынды 7 «в» сыныбы иеленді.Ұлы Отан соғысының батырларына, Отан қорғаушыларға арналған ескерткішті ретке келтіру, абаттандыру, көріктендіру бойынша «Ардагерлерге тағзым» атты 6 сынып оқушылары тазалық жұмыстарын жүргізді. 1-11 сынып жетекшілері Ұлы Отан соғысындағы Жеңістің 73 жылдығына арналған «Жеңіс күні – Ұлы күн», «Ол күндердің өшпес даңқы», «Желбіре жеңіс жалауы» тақырыптарында ашық тәрбие сағаттарын ұйымдастырса, 10 сынып жетекшілері Ұлы Отан соғысының ардагерлері мен еңбеккерлерінің қатысуымен «Ерлік сабақтарын» өткізді. 5 мамыр күні мектебімізде «Жеңіс күні-Ұлы күн» атты салтанатты жиын өткізілді. Жиында Қазақстан Республикасының Мемлекеттік Туын салтанатты түрде әскери тәртіпте алып өтті. Мемлекттік Гимн орындалды. Салтанатты жиынымыздың ашылу құрметіне мектебіміздің директоры Қыстауов Болатбек Тәңірбергенұлына сөз берілді. Оқушыларды, ұстаздарды биылғы Қазақстан Республикасы Қарулы Күштерінің 26 жылдығымен, Отан қорғаушы күнімен, 1941-1945 жылдардағы Ұлы Отан соғысындағы Жеңістің 73 жылдығымен құттықтап, тілектер айтты. Жиынымызда Қасым Қайсенов, Талғат Бигельдинов, Нүркен Әбдіров, Мәлік Ғабдуллин, Иван Панфилов, Мәншүк Мәметова, Әлия Молдағұлова, Бауыржан Момышұлы, Төлеген Тоқтаров, Рақымжан Қошқарбаев сияқты аты аңызға айналған ағаларымыз бен апаларымызды еске алып бәрі 1 минут үнсіз тұрды. 8 сынып оқушысы Аманова Эльнура мен Пірәлі Ұлдана «Әлия» әнін орындады. Оқушылар Жеңіс күніне арнап тақпақтар айтса, 8,10 сынып оқушылары көрініс көрсетіп және 9 сынып оқушылары «Сарбаздар» әніне би биледі.