Владимир Савва атындағы №9 жалпы білім беретін мектепте «7 сәуір – Бүкілдүниежүзілік денсаулық күніне» орай өткізілген іс-шара

Владимир Савва атындағы №9 жалпы білім беретін мектепте  «7 сәуір – Бүкілдүниежүзілік денсаулық күніне»  орай өткізілген

іс-шара 

    Мектебімізде 7 сәуір күні Дүниежүзілік денсаулық күніне орай "Сау болу - сәнді!" ұранымен салтанатты жиын өткізілді. Жиында мектеп директоры Б.Қыстауов оқушылар мен ұстаздарды салауатты өмір салты мен денсаулықты жақсартуға шақырып, балаларға бүгінгі 7-сәуір денсаулық күнінің тарихын түсіндіріп берді.  Оқушыларға өмір бойы жақсы денсаулықпен ұзақ өмір сүріп, отбасы мен қоғамның белсенді мүшесі болатынына көңіл бөлуге шақырды. Сонымен бірге оқушыларға салауатты өмір салты бойынша сұрақтар қойылды. Таңертеңгі жаттығудың, витаминдердің адам ағзасы үшін пайдасы жайлы сұрақтарға оқушылар белсенді жауап берді. Дұрыс жауаптарын тапқан оқушыларға кішігірім сыйлықтар таратылды. Салтанатты жиында оқушылар жаттығулар жасап, флешмоб ұйымдастырып, бірыңғай би биледі. Дене шынықтыру пән мұғалімдері 5-10 сыныптар арасында спорттан эстафеталық ойындар өткізді. Эстафеталық ойындарға әр сыныптан 6 оқушыдан қатысты. 

 Сарымолдаев ауылдық округінің әкімінің аппаратының Елбасымыз Н.Ә.Назабаевтың "Болашаққа бағдар: Рухани жаңғыру" атты бағдарламалық мақаласы аясында "Аула ойындары фестиваліне"  мектебіміздің спортпен айналысатын мақтаныштарымыз бен денешынықтыру пән мұғалімдері қатысып, жүлделі орындарды иеленіп қайтты. Қатысушылардың жолдағы қауіпсіздігін ұйымдастырушылар мен полиция қызметкерлері қамтамасыз етті.