«Денсаулық сандарына жет!» ұранымен өткізілген «Денсаулық фестивалі»

Меркі ауданы әкімдігінің білім бөлімі Қазақстан Республикасының Президентінің 2016 жылғы 15 қаңтардағы №176 Жарлығымен бекітілген Қазақстан Республикасының денсаулық сақтау сақтау саласын дамытудың 2016 – 2019 жылдарға арналған «Денсаулық» мемлекеттік бағдарламасының іс – шаралар жоспарын жүзеге асыру мақсатында 2019 жылдың 9 қыркүйегінде «Денсаулық сандарына жет!» ұранымен «Денсаулық фестивалінің» жоспары жасалынып, бекітілді. «Денсаулық фестивалі» күніне орай «Өмір бойғы ұран – салауатты өмір салты!» ұранымен салтанатты жиынымыз ашылды.

Акцияға мектеп мұғалімдері мен оқушылары қатысты. Акцияда мектеп директоры Б.Т.Қыстауов ұстаздарды, оқушыларды құттықтап, акцияның мақсатымен таныстырып өтті. Оқушыларға денсаулықты сақтау мен нығайту, дұрыс тамақтану тәртібін сақтау, зиянды әдеттерден аулақ болу, салауатты өмір салтын ұстануды жастық шағынан меңгеру, әрбір азаматтың жауапкершілігі екендігін түсіндіріп өтті. Акция соңында музыка жетекшісінің ұйымдастыруымен «Дені саудың рухы сау» ұранымен флешмоб өткізілді.
Сонымен қатар, дене шынықтыру пән мұғалімдерінің ұйымдастыруымен «Мен дене шынықтыру үшін!» ұранымен 6-7 сыныптар арасында арқан тартыс, секіртпе, жеңіл атлетика, эстафета, орта доп ойындары өткізілді. Жарыс соңында жеңімпаз оқушылар алғыс хаттармен марапатталды.