«Бастау» зерттеу тобының 1- цикл 3 – сабағы

24.10.23  жылы М. Әуезов атындағы жалпы білім беретін мектеп – лицейінің «Бастау» зерттеу тобының 1- цикл 3 – сабағы өтті.  Пәні: Жаратылыстану. Мұғалім: Байназарова Г Тақырыбы: «Табиғи бірлестіктер қалай өзгереді?»

Пән мұғалімі:Байназарова Г  ұсыныстарды ескеріп сабақ жоспарын жасап келді. Жоспарды зерттеу тобында тағы да талқылап, қайта жоспарлап, соңғы жоспар бойынша сабақ  өткізілді.  «Жүрек жылуы» әдісінде балалар ашылып, бір - біріне тілек айтып, көңілдері көтеріліп, сабақты жақсы бастадық. «Жедел жауап» тапсырмасы арқылы оқушылардың шапшаң жауап беру қабілеттері оянды. Оқушылар бақыланды. Жоспарлағанымыздай оқушылар топта белсене жұмыс жасап өз ойларын еркін жеткізіп қобалжу болмады. Бұл сабақта жаңа тақырып аз бөліктерден топтарға  бөлініп берілді. Бұл сабақта оқушыларда ой еркіндігі пайда болып, ойларын дұрыс тұжырымдар айтуға тырысты. Мәтінмен жұмыс жасағанда. С тобындағы оқушыларға қиындық туғызды. .А оқушысы – топта белсенді болып ерекшеленді, В оқушысында белсенділік пайда болып, қолын көтеріп сабаққа қызыға қатыса бастағанын байқадық. Сол сияқты С оқушысының да сабаққа қызығушылығы оянып, сабаққа қатыса бастағаны сабағымыздың сәтті жағы болса, сәтсіз тұстарына кей жұптардың (деңгейлері әртүрлі) деңгейі жоғары оқушы көшбасшылықты өз қолына алып кеткені, мәтіннің мазмұнын айтуда С оқушысы ойын жеткізе алмағанын айтуға болады. Осы сәтсіз жақтарын келесі сабақта қарастыру қажеттігін білдік.