Анықтама

2025 жылдың 19 қыркүйегінде "Жастар арасында діни экстремизм мен терроризмге қарсы имунитетті қалыптастыру" тақырыбында Меркі ауданы әкімдігінің ішкі саясат бөлімінің мемлекеттік әлеуметтік тапсырысы аясында ағымдағы жылдың 18 қыркүйегі күні Республикалық ақпараттық түсіндіру тобының мүшесі Ботақараев Бауыржан Қуанышбайұлы тарапынан 9-11 сыныптар арасында ақпараттық түсіндірме жұмыстары өткізілді. Кездесу барысында Ботақараев Бауыржан Қуанышбайұлы дін – адамзат қоғамының ажырамас бөлшегі екендігі, барлық діндердің мақсаты – адамзатты ізгілікті іс жасауға шақыру екендігін айтып өтті. Сонымен қатар қазіргі кезде әлеуметтік желіні пайдаланып қарапайым халықты алдап жатқан оқиғалар бар екендігін, дін деген осы екен деп отырып тұрып намаз оқып, ықылас-пейілсіз ораза ұстай беруге де болмайтындығын түсіндірді. Ал қазіргі қоғамға тек қана ғылым мен ғана озу жараспақ деді маман. Осы орайда, оқушылар тақырып төңірегінде көкейлерін мазалаған сұрақтарды қойып, мамандар тарапынан толыққанды жауап алды.