"Жылыжай-тәжірибе алаңы" Тіршілік тынысы

2023 жылдың 13 ақпан күні Мұхтар Әуезов  атындағы жалпы орта білім беретін мектеп лицейінің жылыжайына №9 Меркі колледжінің ақпараттық жүйелер мамандығының 2 курс білімгерлері, оқытушыларымен келіп экскурсия жүргізді. Экскурсия барысында, директордың ғылыми әдістемелік ісі жөніндегі орынбасары Э.Ж.Узбекбаев  жылыжай туралы толық ақпарт беріп, білімгерлерге жылыжай жағдайында өсімдіктерді өсіру технологияларымен таныстырды. Э.Ж.Узбекбаев өз сөзінде мұндағы ұстаздардың мақсаты – өнімнен пайда табу емес, оқушылардың теориялық білімін тәжірибемен ұштастыра отырып, балалардың болашақта осы секілді кәсіппен айналысуына ықпал жасау екенін айтып өтті және де бала күнінен еңбекке ерте араласып үлгерген оқушы кез келген істің көзін табатыны ақиқат. Тек мақсаты айқын, еңбексүйгіш болса, мемлекет пен үкімет жәрдем береді деп қорытты.