Әжелердің өшпейтін өнегелі үлгісі

Бүгін, мектебімізде Даналық мектеп клубы аясында " Әжелердің өшпейтін өнегелі үлгісі" тақырыбында дөңгелек үстел өткізілді.

Мақсаты: Әжелердің ұрпақ тәрбиесіндегі жауапкершілігін арттыру.

Міндеттері: Әжелердің бала тәрбиесіндегі орнын анықтау

Өнегелі әженің немерелеріне нені үйрету керектігін түсіндіру.

Қиын жағдайда оң шешім шығаруды дағдыға айналдыруға кеңес беру.

Бүгінгі дөңгелек үстелге 50-ден астам әжелеріміз қатысып, өмірдегі өз тәжірибесімен бөлісіп, балаларға ақыл кеңестерін жеткізді. Ауданымыздың құрметті азаматы 83 жасқа толған Таттықұлова Қайнаркүл апамыз бастаған аудан әжелері қонаққа келсе, мектебіміздің әжелері өз немерелерімен бірге келді. Мектеп басшысы Н.Сейсенбаевна Әжелердің өнегелі өсиетіне үлкен алғысын жеткізіп, зор денсаулық тіледі. Әжелер өз немерелерін мақтанышпен әңгімелеп, оларға көрсетілетін тәрбие жайында кеңінен әңгімеледі. Ақыл -кеңестерін жеткізіп, қол өнер бұйымдарымен бөлісті.

Отбасы баланы бақытқа бөлейтін мекен. Әр бала үшін отбасындағы бірлік, қарым-қатынас маңызды. Әжелік кезең-көп адамның арманы, мәртебелі шақ.Ақ кимешектерін сәндене киіп, Көрген-білгенін ортаға шығарып, арқа-жарқа болған әжелерімізге алғысымыз шексіз.