«Үздік жас директоры» байқауы

Мектеп директоры Қыстауов Болатбек Тәңірбергенұлы 2019 жылдың 9 сәуір күні Қазақстан Жастар жылына арналған «Үздік жас директоры» атты білім беру ұйымдарының жас директорларының басқару тәжірибесінің аудандық байқауына қатысып, «Бас жүлдеге» ие болды. Байқау ІІ кезеңде өтті. Байқаудың бірінші кезеңінде «Директордың кәсіби өсу жолында» тақырыбындағы бейнетүсірілім көрсетілді. Бұл бейнетүсірілімде мектеп басшысының кәсіби өсу жолы туралы мәліметтер айтылды.Өзі білім алған мектебінде қарапайым мұғалімдіктен мектеп басшысына дейін көтерілген өнегелі баспалдақтары сипатталды. Үздіксіз ізденудің нәтижесінде өзінің кәсіби шеберлігін шыңдаумен қатар мектеп басшысы ретінде мектептің алға дамуына зор үлес қосқаны баяндалды. Байқаудың екінші кезеңінде «Табысты мектеп: идеядан нәтижеге дейін» тақырыбында Болатбек Тәңірбергенұлы өзінің басқару қызметі жүйесінің ерекшеліктерімен таныстырды. Мектеп миссиясы, басқарудың құрылымы мен мақсат-міндеттері, мектептің жаңа модификациялық кабинеттері, лицей сыныптардың ерекшеліктері мен орта білімді үш тілде оқытуға тоқталып, мұғалімдердің кәсіби өсу жолындағы жетістіктері және оқушылардың жеткен жетістіктері туралы ақпарат берді.
Біз осындай білікті де, іскер басшымызбен мақтанамыз.