Бүгінгі жас маман- болашақ білікті ұстаз

   Владимир Савва атындағы № 9 жалпы орта білім беретін мектеп –лицейінде 2021 жылдың  20-30 сәуір аралығында жас мамандар онкүндігі жоспарланып өткізілуде.  Онкүндік аясында жас ұстаздардың біліктілігін арттыру, өз кәсібіне үлкен жауапкершілікпен қарауға, шығармашылықпен жұмыс істеуіне қолдау көрсету мақсатында  «Үздік жас маман-2021» байқауы  өткізілуде.  Мектебіміздегі  жас мамандар  І кезеңінде «Білікті маман – ел болашағы» тақырыбында пәндері бойынша тест тапсырмаларын орындаса,  ІІ кезеңінде ашық  сабақтар өткізіп, сыныптан тыс іс-шаралар ұйымдастыруда. ІІІ кезеңінде электронды портфолиоларын  ұсынды.  ІV кезеңде «Менің жетістігімнің формуласы»  тақырыбында ТЕД форматында эссе қорғады. Байқауға  мектеп директоры  Б. Қыстауов, шығармашылықпен жұмыс істейтін  педагогтар:  Жүнісжанов И, Арыстанбекова Г, Авдонькина И, Танкеева К, Бектенбаева К, Кужабекова Н, Вишнякова С, Кушанова С, Абуева Л төрешілік жасауда. Әрбір кезеңнің қорытындысы шығарылып, жас мамандарға ұсыныстар берілуде. Жеңімпаздар «Педагогикалық идеялар шеберханасы»  V кезеңнен кейін, апта соңында анықталатын болады.